Vitrin və kassada qiymət fərqli olanda nə etməliyik? - AÇIQLAMA

Vitrin və kassada qiymət fərqli olanda nə etməliyik?
"Qara Cümə"də tanınmış geyim mağazalarının birində məhsulların vitrin və kassa qiymətlərinin üst-üstə düşməməyi narazalıq yaradıb.

"Cebheinfo.az" xəbər verir ki, bu haqda tanınmış bloğer Xatirə Yüzbəyov "İnstagram" hesabında paylaşım edib.

O bildirib ki, tanınmış geyim mağazalarının birində alış-veriş edərkən məhsulların vitrin və kassa qiymətləri bir-birinə uyğun olmayıb:

"Kassada məndən əvvəl bir xanım vardı. Kassir xanıma qiymətin vitrindəki ilə eyni olmadığını, daha baha qiymətə olduğunu dedi. Mən bu haqsızlığa dözə bilmədim. Kassirə bunun haqsızlıq olduğunu dedim, işçi bildirdi ki, səhv olub".

Xatirə Yüzbəyova bu hadisə ilə özünün də rastlaşdığını bildirib:

"Kassaya yaxınlaşmamışdan əvvəl rəfiqəmə eyni halın mənim məhsulum üçün də deyiləcəyini bildirdim. Eynilə, kassaya yaxınlaşan zaman işçi bildirdi ki, vitrindəki qiymət səhvdir, aldığınız paltonun qiyməti 180 yox, 260 manatdır. Bu nə dərəcə ədalətlidir? Bəlkə hər hansı bir alıcı son pulunu verir?"

Qeyd edək ki, bu mağazalarda alıcıların tez-tez rastlaşdığı hallardan biridir.

Maraqlıdır, vitrin qiyməti ilə kassa qiyməti fərqli olduqda nə etmək lazımdır?

Məsələ ilə bağlı “Azad İstehlakçılar” İctimai Birliyinin sədri Eyyub Hüseynov "Cebheinfo.az"-a açıqlamasında bildirib ki, vitrin və kassa qiymətlərinin üst-üstə düşməməsi, son qiymətin hər zaman yüksək olması ən çox yayılmış istehlakçı problemlərindən biridir:

"Bu problem əsasən ərzaq mallarında mövcud idi. Lakin son vaxtlar sənaye mallarında da bu tip şikayətlər səslənir. Bu süni qiymət artımı birmənalı şəkildə istehlakçı hüququnun pozulmasıdır.

İstehlakçı belə hallarla üzləşdikdə artırılmış qiymətlə kassa çekini götürməli, çekin şəklini çəkməlidir. Daha sonra mağazaya yenidən qayıdaraq malın vitrin qiymətini çəkməlidir.

Bu faktları saxlamalı, yerindəcə həll etmək üçün mağaza müdriyyətini çağırmalı və artıq ödədiyi pulu qaytartmalıdır".

O bildirib ki, istehlakçı fəallıq göstərərək İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə toplanmış faktları göndərməlidir:

"Təəssüf ki, adıçəkilən qurumun istehlakçılarla kommunikasiya imkanları çox zəifdir. İstehlakçı qurumun “966” qaynar xəttinə müraciət edərək materialları göndərməli, həmin yerdə yoxlama aparılmasına nail olmalıdır.

Qeyd edim ki, Azərbaycanda satılan sənaye mallarının 90 %-də rəsmi qiymət sənədləri yoxdur. Halbuki Nazirlər Kabinetinin 94 saylı qərarında göstərilir ki, malın üzərində maddi məsul şəxsin imzası olan qiymət cədvəlləri olmalıdır. İstehlakçının əvvəlki qiymətlə sonrakı qiyməti müqayisə etmək imkanı olmalıdır.

İstehlakçıların hüquqlarının müdafiəsi haqqında” Qanunda göstərilir ki, malın əvvəlki qiymətinə görə alıcı rəsmi sənəd tələb edə bilər və satıcı onu göstərməyə borcludur.

Təəssüf ki, Azərbaycanda istehlakçı hüquqları ciddi şəkildə pozulur deyə, aldadılma halları baş verir. Geniş yayılmış məsələlərdən biri də alıcının almadığı məhsulun kassa çekində əks etdirilməsidir. Ərzaq mağazalarında istehlakçıların almadıqları mallar üçün bir ildə 500 milyon manatadək pul ödəyirlər".
Tarix: 2-12-2024, 21:44
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

{sape_links}{sape_article}